Մեծի Տանն Կիլիկիոյ Կաթողիկոսութեան հովանաւորութեամբ Հայ Գիրքի տարեկան ցուցահանդէսին բացումը տեղի ունեցաւ Կիրակի, 12 Նոյեմբեր 2006-ին Կաթողիկոսարանի շրջափակին մէջ, Անթիլիաս։

b_170727

            Մայր Տաճարին մէջ մատուցուած Ս. պատարագէն անմիջապէս ետք, Միաբան Հայրերու եւ Դպրեվանքի սաներու թափօրը, գլխաւորութեամբ Ն.Ս.Օ.Տ.Տ. Արամ Ա. Կաթողիկոսի, իջաւ Կաթողիկոսարանի թանգարանի շրջափակը, ուր զետեղուած հսկայ տաղաւարի մը ներքեւ կազմակերպուած էր ցուցահանդէսը, շքեղ մատուցումով։

            Բացման հանդիսութեան ներկայ էին հոգեւոր հայրեր, պետական երեսփոխաններ, մտաւորականներ, ուսանողներ, մշակութասէրներ, Մայր Տաճարին մէջ Ս. պատարագին ներկայ եղող հոծ բազմութիւնը եւ թղթակիցներ։

            Լիբանանահայ եւ արտասահմանեան շարք մը հրատարակչատուներ, ինչպէս նաեւ անհատ հեղինակներ, Կաթողիկոսարանէն ներս գործող զանազան հրատարակչատուներու կողքին, մասնակցած էին ցուցահանդէսին, որ կազմակերպուած էր Մայրավանքի գրատան վարչութեան կողմէ։

b_171045

            Ներկան մշակութասէր ժողովուրդը մօտեցաւ սեղաններուն, որոնց վրայ ցուցադրուած էին հոգեւոր, եկեղեցագիտական, իմաստասիրական, գրական, մանկապատանեկան, գրադատական, գրականագիտական, երաժշտական ու մշակոյթի այլ բնագաւառները շօշափող հրատարակութիւններ։

            Նշենք, որ ցուացհանդէսի բացման հանդիսութեան ներկայ գտնուեցան նաեւ, այս օրերուն Անթիլիասի Մայրավանքին մէջ միջ-կրօնական համագումարի մասնակից օտար կրօններու բարձրաստիճան ներկայացուցիչներ։

            Ցուցահանդէսը բաց պիտի մնայ մինչեւ 3 Դեկտեմբեր 2006, առաւօտեան ժամը 10-էն, երեկոյեան 7։

 

Phone: 961-4-410001
Fax: 961-4-419724
P.O. Box: 70 317
Antelias, Lebanon